قال الرئيس عبد الفتاح السيسي إنه تم إزالة 30 مسجدا، مشيرا الى أنه تم بناؤها مرة تانية.
وهاجم السيسي القنوات المسيئة لمصر قائلا: “كانوا بيقولوا إننا بنهد مساجد ربنا، هو إحنا بنهدها علشان كارهين ولا علشان نعمل مصلحة وتنمية».
وتابع «السيسي»: «القنوات المسيئة اللي عايزة دايما تكلمكم كلام مايرضيش ربنا بس هم والله ما يعرفوا ربنا، بقى إحنا بنهد جوامع ربنا؟ أستغفر الله العظيم، يارب تبقوا زينا في عمل حساب لربنا».
وأضاف السيسي خلال افتتاحه عددا من المشروعات القومية بالإسكندرية أنه حذر من التعدي على الأراضي الزراعية منذ 5 سنوات، مشيراً إلى أنه يوجد في مصر أكثر من 700 مخالفة بناء.
وتابع «السيسى»: «كل واحد عنده قيراط أو اتنين يحط سور حواليهم وكده بقى عنده أرض مباني، مع إن الأراضي الزراعية بالرى الحديث تجيبلك إيراد أكتر».
وخاطب السيسي المصريين: «انتوا ليه مش عايزين تساعدونا، ومصرين على مواقفكم، بتحلموا ببلد متنظمة ومترتبة وزى الفل ولا كل واحد عايز يعمل اللي هو عايزه».
«ما ينفعش الدولة تغيب تاني، لو غابت تاني، حيبقى بتأجلوا التطوير 100 سنة، وأنا ما أقدرش أقبل كده، الناس هتبقى زعلانة ومتضايقة، لو مش عايزني أبقى موجود هنا ما عنديش مشكلة، مستحيل أبقى في مكان وأسيب الإصلاح بما يرضي الله».
